తాడేపల్లి: తెలుగుదేశం పార్టీ వ్యవస్థాపకుడు ఎన్టీఆర్‌ను వెన్నుపోటు పొడిచి ఆయన పదవిని లాక్కున్న సెప్టెంబర్‌ 1వ తేదీని చంద్రబాబు పండుగ చేసుకుంటున్నాడని, నిసిగ్గుగా, నిర్లజ్జగా మళ్లీ ఎన్టీఆర్‌ గురించి మాట్లాడుతున్నాడని గృహ నిర్మాణ శాఖ మంత్రి జోగి రమేష్‌ ధ్వజమెత్తారు. సెప్టెంబర్‌ 1వ తేదీని అంతర్జాతీయ వెన్నుపోటు దినోత్సవంగా జరపాలన్నారు. వల్లకాటికి వెళ్లిపోతున్న తెలుగుదేశం పార్టీని తాళ్లు, బుల్డోజర్లు, జేసీబీలతో లేపాలని పచ్చపత్రికలు, ఛానళ్లు తాపత్రయపడుతున్నాయని, టీడీపీని లేపడానికి ఎన్ని ప్రయత్నాలు చేసినా శూన్యమన్నారు. తాడేపల్లిలోని వైయస్‌ఆర్‌ కాంగ్రెస్‌ పార్టీ కేంద్ర కార్యాలయంలో మంత్రి జోగి రమేష్‌ విలేకరుల సమావేశం నిర్వహించారు.

ఈ సందర్భంగా ఆయన ఏం మాట్లాడారంటే.. ‘సెప్టెంబర్‌ 1వ తేదీన చంద్రబాబు ముఖ్యమంత్రి పదవి చేపట్టి 27 సంవత్సరాలు అయ్యిందట. దాన్ని పండగ చేసుకుంటున్నాడు. 27 ఏళ్ల క్రితం తెలుగుదేశం పార్టీ అధ్యక్షుడు, నాటి ముఖ్యమంత్రి నందమూరి తారక రామారావును వెన్నుపోటు పొడిచి.. ఆ పార్టీ లాక్కొని ముఖ్యమంత్రి పీఠం ఎక్కి పండగ చేసుకుంటూ.. మళ్లీ ఎన్టీఆర్‌ గురించి మాట్లాడుతున్నాడు. నిసిగ్గుగా, లజ్జగా.. నికృష్టుడు, దుర్మార్గుడు, దుష్టుడు.. ఎన్టీఆర్‌ను వెన్నుపోటు పొడిచి సీటు లాక్కున రోజును పండుగ చేసుకుంటున్నాడు. ఇది న్యాయమా..? ప్రజలంతా గమనించాలి.

By admin

Leave a Reply

Your email address will not be published.