రాజకీయాల్లో శాశ్వత మిత్రులు, శాశ్వత శత్రువులు ఉండరంటారు. అవసరాలు, పరిస్థితులు బట్టి రాజకీయాల్లో మిత్రుత్వం, శత్రుత్వం ఏర్పడుతుంటాయి. ఏపీ, తెలంగాణ అధికార పార్టీలు వైసీపీ, టీఆర్ఎస్ మధ్య గతంలో మిత్రుత్వం ఉండేది. అయితే ఆ తరువాత ఏపీ, తెలంగాణ ప్రభుత్వాల మధ్య తలెత్తిన జలవివాదాలతో ప్రభుత్వాల మధ్య గ్యాప్ పెరిగింది. అయితే ఇప్పుడు వైసీపీ, టీఆర్ఎస్ మధ్య గ్యాప్ కూడా పెరిగినట్టు కనిపిస్తోందని రాజకీయవర్గాల్లో చర్చ జరుగుతోంది. ఇందుకు తెలంగాణ సీఎం కేసీఆర్ (CM KCR) చేస్తున్న వ్యాఖ్యలు, ఏపీ మంత్రి పేర్ని నాని చేస్తున్న వ్యాఖ్యలు ఊతమిస్తున్నాయనే టాక్ వినిపిస్తోంది. కొంతకాలంగా ఏపీ విషయంలో సీఎం కేసీఆర్ చిన్నచూపుతో కూడిన వ్యాఖ్యలు చేస్తున్నారని ఏపీలోని అధికార వైసీపీ భావిస్తోంది. ఏపీ చీకటైపోయిందని.. తాము ఏపీలో పార్టీ పెట్టాలని అక్కడ వాళ్లు కోరుకుంటున్నారని కేసీఆర్ చేసిన వ్యాఖ్యలపై వైసీపీలో గట్టిగానే జరిగినట్టు వార్తలు వచ్చాయి.

By admin

Leave a Reply

Your email address will not be published.