టీ20 వరల్డ్ కప్ 2021 మొదటి ఫైనలిస్ట్ ఖరారైంది. బుధవారం జరిగిన తొలి సెమీఫైనల్‌లో ఇంగ్లాండ్‌పై అద్భుత విజయం నమోదు చేసుకుని న్యూజిలాండ్ ఫైనల్‌కు చేరుకుంది. ఇక రెండో ఫైనలిస్ట్ ఎవరన్నది మరికొద్ది గంటల్లో తేలిపోతుంది. ఇవాళ పాకిస్తాన్, ఆస్ట్రేలియా మధ్య సెకండ్ సెమీఫైనల్ జరగనుంది. అయితే ఈ మ్యాచ్‌కు ముందుగా పాకిస్తాన్‌కు గట్టి ఎదురుదెబ్బ తగిలింది. ఆ జట్టు ఇద్దరు ముఖ్యమైన ఆటగాళ్లు మహ్మద్ రిజ్వాన్, షోయబ్ మాలిక్‌లకు తేలికపాటి జ్వరం ఉన్నట్లు తెలుస్తోంది. అందువల్ల బుధవారం వారిరువురూ ప్రాక్టీస్ సెషన్‌లో పాల్గొనలేదట. దీనిపై జాతీయ మీడియా ప్రత్యేక కథనాన్ని ప్రచురించింది. అయితే వీరిద్దరికీ కోవిడ్ పరీక్షలు జరపగా.. నెగటివ్ వచ్చినట్లు తెలుస్తోంది. అంతేకాకుండా మిగతా టీం మొత్తానికి కూడా కోవిడ్ రిపోర్ట్ నెగటివ్ వచ్చిందట.

By admin

Leave a Reply

Your email address will not be published.