ఉత్తర్ ప్రదేశ్ అసెంబ్లీ ఎన్నికలకు (UP Assembly Elections 2022) ముందు కాంగ్రెస్ పార్టీ (Congress Party) జనరల్ సెక్రటరీ ప్రియాంకా గాంధీ వాద్రా (Priyanka Gandhi Vadra) కీలక ప్రకటన చేశారు. లక్నోలో జరిగిన మీడియా సమావేశంలో ఆమె మాట్లాడుతూ రాబోయే ఉత్తర్ ప్రదేశ్ (UP Elections) అసెంబ్లీ ఎన్నికల్లో కాంగ్రెస్ పార్టీ మహిళలకు 40 శాతం సీట్లను (40 Percent seats for Women) కేటాయిస్తుందని ప్రకటించారు. ఉత్తర్ ప్రదేశ్‌ కాంగ్రెస్ పార్టీకి ప్రస్తుతం ఆమే ఇన్ చార్జిగా ఉన్నారు. ఈ క్రమంలో ప్రియాంకా గాంధీ వాద్రా ప్రకటన సంచలనంగా మారింది. ‘రాబోయే ఎన్నికల్లో మహిళలకు 40 శాతం టికెట్లు కేటాయిస్తాం. కేవలం కులం, మతం ప్రాతిపదికన కాకుండా కేవలం ప్రతిభ, సామర్థ్యం ఆధారంగా వారికి టికెట్లు కేటాయిస్తాం.’ అని ప్రియాంకా గాంధీ ప్రకటించారు. 2022 లో యూపీలో అసెంబ్లీ ఎన్నికలు జరగనుండగా, కాంగ్రెస్ పార్టీ తీసుకున్న ఈ నిర్ణయం చరిత్రాత్మకం అవుతుందని ఆ పార్టీ భావిస్తోంది. దేశ రాజకీయాల్లో క్రియాశీలక మార్పునకు ఇది శ్రీకారం చుడుతుందని ప్రియాంకా గాంధీ అన్నారు.

By admin

Leave a Reply

Your email address will not be published. Required fields are marked *