ఆంధ్రప్రదేశ్

  • స్థానిక నేతలు చెప్పినా రాజీనామా.. సోము వీర్రాజుకు శ్రీకాంత్‌ రెడ్డి సవాల్
    స్థానిక నేతలు చెప్పినా రాజీనామా.. సోము వీర్రాజుకు శ్రీకాంత్‌ రెడ్డి సవాల్

    బీజేపీ ఏపీ అధ్యక్షుడు సోము వీర్రాజుకు సవాల్‌ విసిరారు ఏపీ ప్రభుత్వ చీఫ్ విప్‌ శ్రీకాంత్‌రెడ్డి. కడపలో మీడియాతో మాట్లాడిన ఆయన.. సోము వీర్రాజు ఆరోపణలపై స్పందించారు.. విభజన చట్టంలో స్పెషల్ స్టేటస్, పోర్టు వంటి హామీలు అమలు చేస్తే మద్దతు ఇస్తామన్న ఆయన.. కానీ, సోము వీర్రాజు వ్యక్తిగతంగా మాట్లాడుతున్నారని మండిపడ్డారు.. బీజేపీ విభజన హామీలు అమలు చేయలేదని అర్థమైందని ఎద్దేవా చేసిన శ్రీకాంత్‌ రెడ్డి.. తాను ఇసుక వ్యాపారం చేస్తున్నానని సోము వీర్రాజు అంటున్నారు. ఈ ఆరోపణలు నిజమని స్థానిక బీజేపీ నేతలు చెప్పినా రాజీనామా చేస్తానంటూ సవాల్‌ చేశారు.. మరి, సోము వీర్రాజు అందుకు సిద్ధమా.? అని ప్రశ్నించారు.

    మరోవైపు బీజేపీ నేతలు ఎదురు దాడి చేసి తప్పించుకునే ప్రయత్నం చేస్తున్నారని ఆరోపించారు శ్రీకాంత్‌ రెడ్డి. పోలవరం ప్రాజెక్టుకు కేంద్ర ప్రభుత్వం నిధులు ఇవ్వకపోయినా.. యుద్ధప్రాతిపదికన పూర్తి చేసేందుకు ప్రయత్నాలు చేస్తున్నామని వెల్లడించారు. ఇక, పోలవరం ఆర్ఆర్ ప్యాకేజీ కేంద్రం బాధ్యత కాదా? అని నిలదీసిన శ్రీకాంత్‌ రెడ్డి.. సమస్యలపై బీజేపీ అభ్యర్థులు బహిరంగ చర్చకు సిద్ధమా అంటూ మరో సవాల్‌ విసిరారు.. ఆంధ్రప్రదేశ్‌కు ఇచ్చిన హామీల అమలుకు బీజేపీ నేతలు ప్రయత్నించాలని సూచించారు ప్రభుత్వ చీఫ్ విఫ్ శ్రీకాంత్‌ రెడ్డి.

క్రైమ్

  • నా భార్య బాధ తట్టుకోలేకపోతున్నా.. నన్ను జైల్లో పడేయండి!
    నా భార్య బాధ తట్టుకోలేకపోతున్నా.. నన్ను జైల్లో పడేయండి!

    రోమ్‌: కొంతమంది తమ ఇంటి బాధ్యతల నుంచి తప్పించకుని స్వేచ్ఛగా ఉండటానికే ఇష్టపడుతుంటారు. అంతేకాదు ఏ బాధ్యతలు లేకుండా హాయిగా గడపటం కోసం ఏం చేయడానికైనా లేదా ఎలాంటి చోట ఉండటానికైనా సిద్దపడతారు. అచ్చం ఇలాగే ఇటలీకి చెందిన ఓ వ్యక్తి స్వేచ్చగా ఉండటం కోసం కుటుంబానికీ దూరంగా జైల్లో ఉండాలనుకుంటున్నాడు. అంతేకాదండోయ్‌ నన్ను జైల్లో పెట్టండి అంటూ పోలీసులను కూడా అభ్యర్థించాడు.

    వివరాల్లోకెళ్లితే…..గైడోనియా మాంటెసిలియోలో నివసిస్తున్న 30 ఏళ్ల అల్బేనియన్ అనే వ్యక్తి ఇంట్లో తన భార్యతో కలిసి జీవించలేనని, చాలా నరకప్రాయంగా ఉందని కారబినీరి పోలీసుల కు తెలిపాడు. అంతేకాదు ఈ కుటుంబ జీవితంతో విసుగు చెందానని, నా భార్య నుంచి తప్పించుకోవడం కోసం నన్ను జైల్లో పెట్టండి అంటూ అభ్యర్థించాడని పోలీసలు చెబుతున్నారు.

    ఈ మేరకు టివోలి కారబినీరికి చెందిన పోలీస్‌ కెప్టెన్‌ ఫ్రాన్సిస్కో గియాకోమో ఫెర్రాంటే మాట్లాడుతూ…అల్బేనియన్ చాలా నెలలుగా మాదకద్రవ్యాల నేరం కింద గృహ నిర్బంధంలో ఉన్నాడని పైగా ఆ శిక్ష ఇంకా ముగియలేదని చెప్పారు. అంతేకాదు తాను ఇక గృహ నిర్భంధంలో కొనసాగాలేనని అది చాలా నరకప్రాయం ఉందని చెప్పడన్నారు. ఈ మేరకు తాను జైలుకు వెళ్లాలనకుంటున్నానని తనను జైల్లో పెట్టండి అంటూ అభ్యర్థించాడని కూడా అన్నారు. ఈ క్రమంలో పోలీసులు గృహ నిర్భంధాన్ని ఉల్లంఘించినందుకు సదరు వ్యక్తిని పోలీసులు అరెస్టు చేయడమే కాక అతడిని జైలుకు తరలించాలని న్యాయశాఖ అధికారులు ఆదేశించారని పోలీసులు పేర్కొన్నారు.